SYNOPSIS

Pinaniniwalaang ang katahimikan ng Sitio Mapayapa ay dulot ng hindi nila pakikialam sa Ilog Labak kung saan matatagpuan ang isdang kulay bahaghari. Ayon sa sikat na alamat, may dalang sumpa ang isda sa mga tao. Ang sinumang makakikita rito ay hihilahin, lulunurin, at sa pag-ahon ay magdadala ng nakahahawang sakit. Nang pinili ng isang grupo ng mag aaral na sina Mabel, 9, Nhemo, 10, at Jissa, 9 na isalaysay ang alamat, dinala sila ng pag-uusisa sa paghahananap sa isdang kulay bahaghari ngunit tanging si Yoyot, 9, ang matatagpuan nila sa ilog. Mundo ni Yoyot ang Ilog Labak, at dito niya pinalaya ang kaniyang katotohanan.